Ikog Pagi

(Zarzuela kang Teatro Handurawan Tigbawan)

Ikog Pagi, Teatro Night (Fiesta de Tigbauan 2010)

- Sinopsis -

Si Tyo Tonyo sangka mangingisda nga nagaestar marapit sa baybay kang Sta. Lucia. Ginapabulig na kana sa pagpanahid ang ana bata nga nagaeskwela gid bisan pirme ginapa-absent kang ana tatay agud magtimbang kana sa ana obra.

Tagsa palabyon kang bata na nga si Sonny ang ana klase sangsa magtawas sa dagat, ginakastigo na ang bata ay para kana, mas importante ang pagpangita kang kwarta sangsa sa pagg-eskwela.

Ang nanay ni Sonny ang pirme naga-apin sa ana bata kag ginapaathagan ang bana nga ang edukasyon amo ang makatao kang katibawasan sa anda pangabuhi. Indi magpatubaring ang bana kag gina padayon gid ang sala nga paagi sa pagpangisda basta lang makakwarta.

Nagpadayon gid si Tyo Tonyo sa ana paggamit sa mga iligal nga paagi kang pangisda asta nag-abot ang adlaw nga nagtupa ang gaba kana. Wara makahingagaw magsaka sa bangka kang maglupok ang dinamita nga ginhaboy sa tubig. Nautod gid ang ana butkon kag samphihak nga batiis nga nagasawsaw sa tubig kag napiskan pa ang ana mata. Nabulag kag nakumpol si Tyo Tonyo nga amo ang nakapauntat kana sa pagpangisda, samtang ang bata na nga si Sonny scholar sa School of Fisheries. Paagi sa ana adbokasiya sa proteksyon preserbasyon kag konserbasyon kang marine life, si Sonny ang nagasubang nga paglaum kang mainuswagon nga industriya kang pangisda sa Tigbauan.

- Ikog Pagi -

                                Manunulat:      Maria Luisa Tejero Torrento

                                Direktor:          Louella Traya Saba

                                Manoglanton:  Rhoel Rae Saba

Tinawo:

Juan Victor Teruel ----------- Tatay (Tyo Tonyo)

Grace Ojaldon ---------------- Nanay

Ildefonso Tuminez ----------- Manugkomposo

Lawrence Ople --------------- Bata (Sonny)

Michael Joseph Teruel 

Marvin Patricio ---------- Amigo

Patrick Lloyd Calvez

Louella Saba ------------ Maestra